استديو ملوى

الأربعاء، يوليو 13، 2011

بصراحة والصراحة راحة ومن غير لف ولادوران .. ولا مصمصة شفايف ولازن على الودان ... ومحدش يقول من الكاسب ؟؟ ومين الخسران ... المرحلة القادمة صعبة من الكعب حتى الودان .. ومفهاش مجاملة ولاكلام كلة محسوبية ومايع زى البيض الخسران ... انا سمعت انة فية اكتر من 40 مرشح لمجلس الشعب القادم ... المجاملة مش حضارية وكمان تخرب العمران .. واحنا بلدنا اتنست وراحت من الفكر وداستها الاقدام .. واصبحنا مهمشين وعاطلين ومرضانين وجهلة وبقيت حياتنا هباب وطين .. يبقى الحل ف ايدينا ونهدرة زى ماهدرنا ايامنا وشقانا وسنينا ... ولانختار النائب اللى مش بالع لسانة وبيقول الحق .. وبيصرف على الغلبان ... النائب النزيهة المحترم الشريف العفيف اللى ايدة من فوق وبطنة مش وجعاة .. ملوى عاوزة نواب يعمرو .. يبنو مصانع .. يبنو مساكن .. ينضفو البلد .. يشغلو الشباب ..ز يصرفو على الايتام ... يعمرو البلد يجملوها ينضفوها يزينوها يوكلوها يشربوها يشغلوها ... وانتظرونى انا لسة مخلصتش كلام .... ابوزيد


ليست هناك تعليقات:

إرسال تعليق

شكرا لكم